8 Mart Beynəlxalq Qadınlar Günü münasibətilə Zərdab Rayon İcra Hakimiyyəti bayram toplantısı təşkil edib. Tədbir iştirakçılarını təbrik edən İcra Hakimiyyətinin başçısı cənab Lütvəli Babayev gələcək işlərində onlara uğurlar arzulayıb. Bildirib ki, bu gün cəmiyyətimizdə qadınların normal fəaliyyəti üçün lazımi şərait yaradılıb. Onlar bütün dövlət strukturlarında layiqincə təmsil olunaraq bacarıq və qabiliyyətlərinə uyğun çalışır, ölkəmizin ictimai-siyasi həyatında fəallıq nümayiş etdirirlər. Əsası Ulu Öndər Heydər Əliyev tərəfindən qoyulan dövlət qadın siyasəti bu gün də uğurla davam etdirilir. Qeyd edilib ki, Zərdab əhalisinin 50 faizini qadınlar təşkil edir. Onlardan 20 faizdən çoxu işləyir. Elm, təhsil, mədəniyyət və səhiyyə sahəsində, dövlət qulluğunda çalışan bir qrup qadın dövlət səviyyəsində fəxri ad və medallara layiq görülüb.

Toplantıda müxtəlif sahələrdə çalışan qadınlar çıxış edərək diqqət və qayğıya görə ölkə başçısına minnətdarlıq ediblər.

Sonda bir qrup fəal qadınlara Rayon İcra Hakimiyyətinin fəxri fərmanları, partiya sıralarına yeni qoşulan gənclərə üzvlük vəsiqələri verilib, qiymətli hədiyyələr təqdim olunub.