03.05.2018
01 may 2018-ci il tarixdə Ucar Heydər Əliyev Mərkəzində Ümummilli Lider Heydər Əliyevin anadan olmasının 95 illik yubileyi münasibəti ilə “Odlar Yurdu Azərbaycan” adlı rəsm müsabiqəsi keçirilmişdir.
Tədbiri giriş sözü ilə açan Heydər Əliyev Mərkəzinin direktoru Mətanət Qəribova müsabiqənin məqsədini açıqladı.Sonra Ağdaş regional Mədəniyyət idarəsinin Ucar rayonu üzrə nümayəndəsi Alı Babayev Ümummilli lider Heydər Əliyevin fəaliyyətindən danışdı.
Müsabiqədə Ucar şəhərində fəaliyyət göstərən orta məktəblərin şagirdləri iştirak etmişdir.Münsiflər heyəti bütün iştirakçıların əl işlərinə diqqətlə baxmış və verilmiş vaxt çərçivəsində mövzunu daha ətraflı işləmiş həvəskar rəssamları müəyyən etmişdir.
Münsiflər heyətinin qərarı ilə 3№li orta məktəbin şagirdi Babaşova Leyla Ələddin qızı 1-ci yerə,2№li orta məktəbin şagirdi Şükürova Çinarə İsmixan qızı 2-ci yerə,3№li orta məktəbin şagirdi Babayev Arif Samir oğlu 3-cü yerə layiq görüldülər.
Tədbirdə qaliblər Diplomlarla və Mədəniyyət İşçiləri Həmkarlar İttifaqı Ucar rayon Komitəsinin sədri Mirqələm Əliyev tərəfindən hədiyyələrlə təltif edildilər.