01.05.2018
27 aprel 2018-cı il tarixdə Azərbaycan Respublikasının Prezidenti cənab İlham Əliyevin 10 yanvar 2018-ci il tarixli Sərəncamı ilə 2018- ci ilin “ Xalq Cümhuriyyəti ili” elan olunması ilə əlaqədar Ağdaş rayon Mədəniyyət Mərkəzinin foyesində mərkəzi kitabxana və Təbiət, Humanitar, Texniki təmayüllü Gimnaziyanın birgə təşkilatçılığı ilə “Azərbaycanın müstəqilliyi dönməz və əbədidir” adlı ədəbi-bədii kompozisiya keçirilmişdir.Tədbir Mədəniyyət Mərkəzinin foyesində yaradılmış “Azərbaycan Xalq Cümhuriyyəti-100” adlı sərgiyə baxışla başlamışdır. Azərbaycan Xalq Cümhuriyyətinin tarixini əks etdirən materialların nümayiş etdirildiyi sərgi böyük marağa səbəb olmuşdur. Tədbiri giriş sözü ilə Ağdaş Rayon MKS-nin direktoru S.Feyzullayev açaraq müsəlman Şərqində ilk parlament respublikasının məhz Azərbaycanda qurulduğunu qeyd etmiş,Azərbaycan Xalq Cümhuriyyəti hökumətinin 1918-ci il mayın 28-dən iyunun 16-dək Tiflisdə, iyunun 16-dan sentyabrın 17-dək Gəncədə, sentyabrın 17-dən 1920-ci il aprelin 28-dək Bakıda fəaliyyət göstərdiyini vurğulamışdır.65 saylı filial kitabxanasının işçisi Səbinə Lətifova məruzə ilə çıxış edərək bildirmişdir ki,cəmi 23 ay yaşamasına baxmayaraq Azərbaycan Xalq Cümhuriyyəti Paris Sülh Konfransının qərarına əsasən müstəqil dövlət kimi tanınmışdı. Dünyanın bir çox ölkələri ilə səfirlik və nümayəndəlliklər səviyyəsində diplomatik münasibətlər yaratmış, ikitərəfli və çoxtərəfli müqavilələr, sazişlər bağlamışdı.Tədbirdə eyni zamanda Təbiət və humanitar təmayüllü gimnaziyanın 4–cü sinif şagirdlərinin ifasında Azərbaycan Xalq Cümhuriyyətinin 100 illiyinə həsr edilmiş ədəbi bədii kompozisiya nümayiş etdirilmişdir.Gimnaziyanın müəllimi Dursun Əliyeva çıxışında birgə təşkilatçılıq sayəsində ərsəyə gəlmiş bu tədbirin şagirdlərin təlim-tərbiyəsində müsbət rolunu qeyd etmişdir. Tədbir Azərbaycan Xalq Cümhuriyyətinin 100 illiyinə həsr olunmuş video-çarxın nümayişi ilə sona yetmişdir.